Jólakaffi hjá Iðnaðarsafninu
Almennt - mánudagur 13.des.10 09:57 - Þorsteinn E. Arnórsson - Lestrar 32
Laugardaginn 11. desember bauð Iðnaðarsafnið fyrrum starfsmönnum Sambandsverksmiðjanna í jólakaffi og piparkökur. Vel var mætt og skemmtu gestir sér við að skoða safnið, rifja upp sögur og skoða gamlar myndir frá árshátíðum og skemmtunum á verksmiðjunum, undir léttri harmonikkutónlist. 
Safnið varðveitir myndir af skemmtunum starfsmannafélaganna og er gestum velkomið að skoða myndaalbúmin einnig á opnunartímum safnsins.
Iðnaðarsafnið þakkar öllum sem kíktu við í jólakaffið og einnig þeim sem komu í heimsókn á liðnu ári. Hlökkum til að sjá sem flest á næsta ári.
