Iðnaðarsafnið

Á fjórða hundrað gesta lagði leið sína á Iðnaðarsafnið á eyfirska safnadaginn þann 2. maí og er það þreföldun frá því á safnadaginn í fyrra.

Sýning á fánum verkalýðsfélaganna vakti mikla athygli sem og harmonikkuleikarar sem lögðu leið sína í safnið. Þorsteinn Arnórsson sagði sögur af munum á safninu, mönnum og málefnum og var ávalt fjöldi fólks sem fylgdi honum enda voru leiðsagnir hans bæði fræðandi og skemmtilegar.

Gestir skemmtu sér hið besta og gaman var að sjá mikið af fjölskyldufólki, oft þrjár kynslóðir. Afar og ömmur sögðu barnabörnum frá tækjum og tólum sem þau notuðu við vinnu hér áður og foreldrar rifjuðu upp sumrin sem þau unnu við verksmiðjurnar.

Starfsfólk Iðnaðarsafnsins þakkar gestum kærlega fyrir komuna.

Sjáumst fljótt aftur!