Iðnaðarsafnið

Mikil gleði ríkti í jólakaffi Iðnaðarsafnsins, en safnið bauð fyrrum starfsmönnum Sambandsverksmiðjanna í kaffi og piparkökur sunnudaginn 13. desember. Á fimmta tug manna þáðu boðið þar sem rifjaðar voru upp minningar og sagðar sögur. Ingimar Harðarson spilaði af fingrum fram á harmonikkuna og gestir skemmtu sér við að skoða gamlar myndir af árshátíðum og skemmtunum á verksmiðjunum, en safnið varðveitir myndir af skemmtunum starfsmannafélaganna. 

Jólakaffi Iðnaðarsafnsins tóks vel í alla staði og næsta víst að skapast hafi hefð og að jólakaffið verði að árvissum viðburði. Gestum er velkomið að skoða myndaalbúmin á opnunartíma safnsins.