Eyfirski safnadagurinn

Að kvöldi safnadags.

Eyfirski safnadagurinn er að renna sitt skeið þetta árið og óhætt er að segja að dagurinn hafi boðið upp á allt hið besta í mannlegri tilveru. Glæsilegt veður, mikla þátttöku safnanna hér við Eyjafjörð, og síðast enn ekki síst gríðarlega mikla og góða þátttöku gesta.

 

Við á Iðnaðarsafninu vorum árusulir og flögguðum fána lýðveldisins Íslands í morgun.

 

Frá kl 12.30 og til kl rúmlega 17.00 ( 1 klst umfram auglýstan opnunartíma) var nánast stöðugur straumur gesta til okkar á safnið og það sem þetta var gaman, bros á hverju andliti, og fallegar kveðjur safninu til handa yljuðu okkur meir enn orð fá lýst.

 

Við safnamenn Iðnaðarsafnsins viljum þakka öllum þeim er lögðu leið sýna til okkar í dag og margir gestir dagsins sögðust þurfa að koma aftur og skoða meira.

 

Við þá viljum við segja sem og alla aðra,

 

Verið ávalt hjartanlega velkomin á

 

Iðnaðarsafnið á Akureyri / Industry museum Akureyri.

 

Takk fyrir okkur.